BDU-nun Kimya fakültəsində Ulu Öndər Heydər Əliyevin xatirəsi anılıb
Bakı Dövlət Universitetinin (BDU) Tələbə Gənclər Təşkilatının (TGT) Kimya fakültəsi üzrə üzvlərinin təşkilatçılığı ilə Ulu Öndər Heydər Əliyevin anım gününə həsr olunmuş “Bir ömür salnaməsi – Heydər Əliyev” adlı tədbir keçirilib.
Tədbir Dövlət himninin səsləndirilməsi və Ümummilli Lider Heydər Əliyevin əziz xatirəsinin bir dəqiqəlik sükutla yad edilməsi ilə başlayıb.
Kimya fakültəsinin I kurs tələbələri Elay Kərimli və Səbinə Məmmədova Ulu Öndərin həyat yolu, siyasi fəaliyyəti, azərbaycançılıq ideologiyasının təşəkkülü, eləcə də gənclərə göstərdiyi xüsusi diqqət və qayğı barədə məruzə ediblər. Çıxışlarda Heydər Əliyevin təhsilin inkişafını dövlət siyasətinin prioritet istiqaməti kimi inkişaf etdirdiyini və bu gün həmin siyasətin Prezident İlham Əliyev tərəfindən uğurla davam etdirildiyi qeyd edilib.
Tədbir fakültənin tələbələri Fəriqə Məmmədova və Nuray Mahmudlunun hazırladığı bədii hissə və Ümummilli Liderin həyat yolundan bəhs edən videoçarxın nümayiş etdirilməsi ilə başa çatıb.
