BDU-da “Həssas qrupların xidmətlərə çıxışı” mövzusunda təlim
Bakı Dövlət Universitetinin (BDU) SABAH Mərkəzinin təşkilatçılığı ilə "Gender əsaslı zorakılığa qarşı 16 günlük fəallıq" kampaniyası çərçivəsində “Təmiz Dünya” İctimai Birliyinin sədri Mehriban Zeynalova tərəfindən “Həssas qrupların xidmətlərə çıxışı” mövzusunda təlim keçirilib.
Təlimdə həssas qrupların sosial müdafiəsi, rifahı və cəmiyyətə tam inteqrasiyasının vacibliyi qeyd olunub. Bildirilib ki, sosial cəhətdən risk altında olan, fiziki və mənəvi zorakılığa məruz qalan qadınların təhsil, səhiyyə, sosial müdafiə, hüquqi yardım və məşğulluq kimi əsas xidmətlərə maneəsiz çıxışı günümüzdə ən çox diqqətə ehtiyacı olan sahələrdəndir. Zorakılığa məruz qalmış qadınlar çox vaxt fiziki və psixoloji travma, iqtisadi asılılıq, qorxu, sosial təcrid və s. səbəblərdən lazımi qurumlara müraciət etməkdə çətinlik yaşayırlar. Məhz xidmətlərə çıxış onların həm təhlükəsizliklərinin təmin edilməsi, həm də sosial-psixoloji bərpası üçün həyati əhəmiyyət daşıyır.
Təlimin sonunda belə hallarla rastlaşdıqda atılmalı olan tədbirlərə dair müzakirə aparılıb.
