AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) əcnəbi tələbələri üçün Bakı Ekspo Mərkəzində keçirilən XII Bakı Beynəlxalq Kitab Sərgisinə ekskursiya təşkil olunub.
Ekskursiyanın məqsədi əcnəbi gənclərin kitaba və mütaliəyə olan marağını artırmaq, müxtəlif xalqların ədəbiyyatı və nəşr nümunələri barədə dünyagörüşünü genişləndirmək, onları Azərbaycanın zəngin ədəbi-mədəni mühiti ilə yaxından tanış etməkdir.
Ekskursiya zamanı tələbələr müxtəlif nəşriyyatların təqdim etdiyi kitablarla tanış olmaq, ədəbiyyatın və mütaliənin əhəmiyyəti barədə yeni təəssüratlar əldə etmək imkanı qazanıblar. Onlar həm yerli, həm də xarici nəşriyyatların təqdim etdiyi çoxsaylı kitab stendləri, yeni nəşrlər və mədəniyyət nümunələri ilə tanış olublar.