AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) SABAH qruplarının İtaliyanın Milan şəhərində 75-ci Beynəlxalq Astronavtika Konqresində iştirak edən 4 tələbəsi bu gün təqdimatlarını nümayiş etdiriblər.

Belə ki, BDU-nun SABAH qruplarının “Psixologiya” ixtisası üzrə IV kurs tələbələri Rəvan Əlizadə “Kosmosa uçuş və mikroqravitasiyanın beyinə təsirləri”, Nərgiz Əliyarlı “Kosmosda menstruasiyanın psixofizioloji aspektlərinin araşdırılması”, Elza Səlimli “Kosmosda koqnitiv davranış terapiyasınln tətbiqi”, “Kosmosda turizmin psixososial çətinlikləri”, Fidan Hüseynzadə ””Perseverance Rover”in Marsda missiyası” və “Kosmosda anoreksiya nevroza” mövzularında təqdimatlar ediblər.

Qeyd edək ki, oktyabrın 18-dək davam edəcək konqresdə kosmik sahədə qazanılan uğurlar və yeni trendlər müzakirə olunur. 120 ölkədən 11 mindən çox nümayəndənin iştirak etdiyi Milan Konqresində 200 texniki sessiyada 2400-dək elmi məqalə təqdim edilir. Konqresdə Azərbaycanı “Azərkosmos”un nümayəndə heyəti təmsil edir. Konqresə ölkəmizdən 52 tələbə, gənc mütəxəssis və alimdən ibarət milli elmi komanda qatılıb.