“BDU könüllüləri” və Psixoloji yardım sektorunun birgə tədbiri: “Kitabın sirri”
Bakı Dövlət Universitetinin (BDU) Psixoloji yardım sektorunun nəzdində fəaliyyət göstərən “Oxu klubu” və “BDU könüllüləri” təşkilatının “PennaDoro” klubunun təşkilatçılığı ilə “Kitabın sirri” adlı görüş keçirilib.
Görüşdə məşhur Avstriya yazıçısı Stefan Sveyqin “Bir qadının həyatından 24 saat” əsəri təhlil edilib. İnsan hisslərinin, qadın azadlığı və hüquqlarının qorunmasının ədəbiyyatda işıqlandırılmasından bəhs olunub.
Psixoloji yardım sektorunun psixoloqu İlkanə Mənsumova zorakı davranışların yaranma səbəbləri, nəticələri, aradan qaldırılması yolları barədə tələbələrə məlumat verib. Qeyd edib ki, belə görüşlərin məqsədi gənclər arasında qadın hüquqlarının qorunması və psixoloji dəstəyin əhəmiyyəti haqqında daha geniş maarifləndirmə həyata keçirməkdir.
Görüş mövzu ilə bağlı müzakirələrlə davam edib.
