BDU-da “Yüksəliş” müsabiqəsinin qalibi Toğrul Ələkbərovla görüş

SOSİAL 1 Noyabr 2024 17:50

“BDU könüllüləri” təşkilatının təşəbbüsü və “Yüksəliş” müsabiqəsinin tərəfdaşlığı ilə mentorluq proqramı çərçivəsində üçüncü “Yüksəliş” müsabiqəsinin qalibi Toğrul Ələkbərovun tələbə-gənclərlə görüşü keçirilib.

Görüş zamanı tələbələrə mentorluq proqramı, proqramın əhəmiyyəti və gənclərə verdiyi dəstək barədə ətraflı məlumat verilib. Toğrul Ələkbərov mentorluğun karyera yolunda yaratdığı imkanlardan danışaraq, şəxsi təcrübələrini bölüşüb.

Görüş tələbələrin mentorluq proqramı ilə bağlı suallarının cavablandırılması ilə yekunlaşıb.