AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetində (BDU) AIESEC təşkilatının və BDU Könüllülərinin birgə təşkilatçılığı ilə təcrübə proqramları haqqında məlumatlandırıcı tədbir keçirilib.

Tədbirdə təşkilatın yaranma tarixi, inkişaf yolu, xaricdəki könüllü və maaşlı təcrübə proqramlarında iştirak etmək üçün qeydiyyat prosedurları haqqında ətraflı məlumat verilib.

Qeyd olunub ki, dünyanın 126-dan çox ölkəsində fəaliyyət göstərən beynəlxalq gənclər təşkilatı olan AIESEC-in əsas məqsədi gənclərin liderlik potensialını aşkara çıxarmaq, onların inkişafına töhfə verməkdir. Yarandığı gündən 1 milyondan çox gəncin şəxsi inkişafına səbəb olan təşkilat müxtəlif proqramlar vasitəsilə gənclərə beynəlxalq təcrübə keçmək şansı yaradıb.

Tədbir tələbələri maraqlandıran sualların cavablandırılması ilə davam edib.

Qeyd edək ki,  AIESEC təşkilatı Azərbaycanda 2006-cı ildən fəaliyyət göstərir. Hazırda “AIESEC Azərbaycan” təşkilatının ölkəmizdə 200-dən artıq aktiv üzvü var.