BDU alimləri beynəlxalq konfransda iştirak edib
Bakı Dövlət Universitetinin Mexanika-riyaziyyat fakültəsinin Riyazi analiz kafedrasının professoru Ziyatxan Əliyev və kafedranın dosenti Vüqar Mehrabov 2021-ci il 5-7 aprel tarixlərində Rusiyanın Sankt-Peterburq şəhərində keçirilən Rusiya Təhsil Akademiyasının, Təhsil Məlumatlandırma Akademiyasının, A.İ.Herzen adına Rusiya Dövlət Pedaqoji Universitetinin Riyazi analiz və informasiya sistemləri kafedralarının birgə təşkilatçılığı ilə keçirilən "Herzen oxunuşları-2021" LXXIV beynəlxalq konfransında iştirak ediblər. Konfrans Zoom platforması üzərindən keçirilib.
V.Mehrabov konfransın "Diferensial tənliklər və riyazi modelləşdirmə" bölməsində həmmüəllifi olduğu "Sərhəd şərtlərindən üçünə spektral parametr daxil olan bir sərhəd məsələsinin bəzi spektral xassələri" adlı məruzə ilə çıxış edib. Məruzədə adi diferensial tənlik üçün spektral məsələyə gətirilən mexanika məsələsi haqqında ətraflı məlumat verərək məruzə ilə bağlı əldə edilmiş nəticələri şərh edib.