“Azərbaycan mətbuat tarixinin Cümhuriyyət dövrü” mövzusunda elmi seminar
Bakı Dövlət Universitetinin (BDU) Jurnalistika fakültəsində Tələbə Elmi Cəmiyyətinin (TEC) təşkilatçılığı ilə növbəti elmi seminar keçirilib. TEC-in elmi rəhbəri, Beynəlxalq jurnalistika və informasiya siyasəti kafedrasının dosenti Vəfa İsgəndərova keçirilən elmi semianrların əhəmiyyətindən danışıb, seminarın mövzusu haqqında məlumat verib.
Fakültənin ingilis bölməsində təhsil alan 3-cü kurs tələbəsi Ləman Qasımova “Azərbaycan mətbuat tarixinin Cümhuriyyət dövrü” mövzusunda təqdimatla çıxış edərək həmin dövrün ictimai-siyasi hadisələrini təbliğ edən qəzetlərdən, Azərbaycan Xalq Cümhuriyyəti dövründə milli istiqlal ideyalı mətbuat orqanlarının fəaliyyətindən bəhs edib. Məruzədə 1917-ci ilədək fəaliyyət göstərən “Açıq söz” qəzetinin yalnız milli mətbuat tarixində deyil, eyni zamanda xalqımızın azadlıq mübarizəsi tarixində də əhəmiyyətli rol oynadığı qeyd olunub.
Seminar mövzu ətrafında müzakirə ilə başa çatıb.