Şöbənin vəzifələri:
- Universitetin informasiya resurslarının və məlumat bazalarının təhlükəsizliyini təmin etmək
- Dövlət və ya kommersiya sirri olan məlumatla, habelə işçilərin və tələbələrin şəxsi məlumatlarına icazəsiz daxil olmalardan qorunma işini təşkil etmək
- Universitetdə informasiya təhlükəsizliyi sisteminin vəziyyəti və inkişaf perspektivləri barədə məlumat və analitik materiallar hazırlamaq və rəhbərliyə təqdim etmək
- Universitetin korporativ şəbəkəsinin təhlükəsizliyini təmin etmək
- İstifadəçilərin informasiya təhlükəsizliyi sahəsində maarifləndirilməsini və onlara metodiki köməyin göstərilməsini təmin etmək
- Ümumi internet trafikində kiberhücumların qarşısını almaq məqsədi ilə internet operatoru ilə birlikdə qabaqlayıcı tədbirlər həyata keçirmək və universtet rəhbərliyinə hesabat vermək
- Universitet istifadəçilər tərəfindən geniş istifadə olunan proqram təminatlarını və texniki avadanlıqları təhlükəsizlik baxımından təhlil etmək, onlarda aşkar olunmuş zəifliklərin aradan qaldırılması ilə bağlı tövsiyələr vermək
- Baş vermiş elektron təhlükələr barədə müvafiq tədbirlər görmək və məlumatların rəhbərliyə çatdırılmasını təmin etmək
- Korporativ şəbəkənin idarə olunması, monitorinq və təhlil işləri, eləcə də internet trafikinin uçotunun aparılması və informasiya sistemlərinin təhlükəsizliyinin təmin edilməsi məqsədilə internet trafiki müşahidə etmək
Şöbənin funksiyaları:
- Universitetin kibertəhlükəsizlik vəziyyətini mütəmadi təhlil etmək
- Toplanmış elektron məlumatların mühafizəsini təmin etmək
- İstifadəçilərdən, proqram təminatı və texniki avadanlıqların istehsalçılarından, yerli və xarici ölkələrin kompyuter insidentlərinə qarşı mübarizə mərkəzlərindən, xarici və digər mənbələrdən elektron təhlükələr və onların qarşısının alınması üçün tətbiq edilən proqram, texniki vasitələr haqqında daxil olan məlumatları toplamaq və təhlil etmək
- Kibertəhlükəsizliyin təmin edilməsi sahəsində beynəlxalq təcrübənin öyrənilməsi və analiz edilməsi əsasında elektron təhlükələr barədə Universitet səviyyəsində məlumatlandırmanı həyata keçirmək, informasiya sistemlərinə qanunsuz müdaxilə hallarının qarşısının alınmasını təmin edən səmərəli proqramların, texniki vasitələrin seçilməsinə və tətbiq edilməsinə dair tövsiyələr hazırlamaq
- İstifadəçilərə qarşı elektron təhlükələrin qarşısının alınması, baş vermiş kiberhücumların mənbələrinin müəyyən edilməsi və müvafiq tədbirlərin həyata keçirilməsi məqsədi ilə onlar barədə məlumatları toplamaq və saxlamaq
- Baş verə biləcək elektron təhlükələrdən qorunmaq üçün tətbiq edilən texnoloji yeniliklər, yeni yaranan elektron təhlükələr və onların reallaşdırılması üsulları və vasitələri barədə təhlillər aparmaq
- Kibertəhlükəsizliyin təmin edilməsi üçün yararlı üsul və vasitələr, həmçinin açıq kodlu proqramlar barədə məlumatlar yaymaq
- Kibertəhlükəsizlik sahəsində proqram təminatı və texniki avadanlıq istehsalçıları, digər analoji strukturlar və təşkilatlarla əməkdaşlıq etmək
- Kibertəhlükəsizlik sahəsində maarifləndirmə və məlumatlandırmanı həyata keçirmək
- Kibertəhlükəsizlik sahəsində şöbə mütəxəssislərinin hazırlıq səviyyəsinin yüksəldilməsi üçün onları təlimlərə göndərmək, əgər ehtiyac olarsa universitet daxili təlimlər və seminarlar keçirmək üçün rəhbərliyə təkliflər vermək
- İnformasiya təhlükəsizliyinin tələblərinə cavab verən etibarlı informasiya texnologiyalarının yaradılması ilə bağlı işin məqsəd və vəzifələrini müəyyənləşdirmək baxımından universitet şöbələrində həyata keçirilən inkişaflar üçün texniki şərtlərin hazırlanmasında iştirak etmək
- İnformasiyanın qorunması, texniki vasitələrin istifadəsi, məxfi məlumatlara icazəsiz daxil olmağın qarşısını almaq üçün tənzimləmə tələblərinə uyğunluğun monitorinqini keçirmək
- Universitetin maddi, maliyyə və insan resurslarının mümkün xərcləri nəzərə alınmaqla informasiya təhlükəsizliyi sistemlərinin inkişafı, tətbiqi və təkmilləşdirilməsi üçün təkliflər vermək
- Məlumatların qorunması üçün xüsusi avadanlıqların və proqramların rasional istifadəsi və qorunmasına nəzarət etmək
- Məlumatların qorunması tələblərinə uyğunluq üçün, aparatların, proqramların, alqoritmlərin sertifikatlaşdırılmasını təşkil etmək
- Universitetin struktur bölmələrinin məlumatların qorunması üçün zəruri olan avadanlıqlara, proqram təminatına, maddi, maliyyə və digər mənbələrə olan tələbatını müəyyən etmək
- Universitetdə məlumatların qorunması, bu məqsədlər üçün ayrılmış maddi və maliyyə mənbələrindən səmərəli istifadə, nöqsanların aşkar edilməsi və aradan qaldırılması üçün tədbirlərin görülməsini və monitorinqini təşkil etmək