ICESCO-nun Gənc Peşəkarların II Təlim Proqramı üçün müraciətlər qəbul olunur
İslam Dünyası Təhsil, Elm və Mədəniyyət Təşkilatının (ICESCO) 2025-ci il üçün Gənc Peşəkarların II Təlim Proqramına müraciətlər qəbul olunur. Bu proqram gənc peşəkarlar üçün ICESCO-nun Rabatdakı mənzil-qərargahının müxtəlif sektorlarında və mərkəzlərində 24 aylıq peşəkar təlimkeçmə imkanı verir.
Proqram İslam dünyasında gənclərin müasir dünyagörüşlərinin formalaşmasına, onların potensialının gücləndirilməsinə, liderlik və peşəkar bacarıqlarının inkişafına, məsuliyyətli və peşəkar nəslin yetiştirilməsinə, təhsil, elm və mədəniyyət sahələrinin modernləşdirilməsinə önəmli töhfə verir.
Bu önəmli ikinci proqram, ICESCO-ya üzv on dövlətdən olan 1177 ərizəçi arasından seçilmiş 13 gənc kişi və qadını bir araya gətirən birinci proqramın uğurlarına əsaslanaraq təşkil edilir. Seçilən həmin şəxslərdən bəziləri Proqramın bütün fəaliyyətlərində praktiki və nəzəri baxımından öz hazırlıqlarını, eyni zamanda beynəlxalq təşkilatlardaki iş mühitinə uyğun olduklarını nümayiş etdirərək Təşkilatın müxtəlif şöbə və mərkəzlərinə işə qəbul edilmişdirlər.
ICESCO-nun Gənc Peşəkarların II Təlim Proqramına qoşulmaq üçün namizədlər aşağıdakı parametrlərə uyğun olmalıdırlar:
* ICESCO-ya üzv dövlətlərdən birinin vətəndaşı olmalı;
* Müraciətin verildiyi tarixdə 35 yaşdan kiçik olmalı;
* Təhsil, elm, mədəniyyət və ya ICESCO-nun fəaliyyət sahələrinə aid olan hər hansı digər sahədə ən azı bakalavr dərəcəsi və ya onun ekvivalenti olan dərəcəyə malik olmalı;
* Təşkilatın işçi dillərindən ən azı birini (ərəb, ingilis və ya fransız) bilməli; lakin bu illərdən ikisində sərbəst danışanlara üstünlük verilir.
Proqrama müraciət etmək istəyənlər 2025-ci il yanvarın 30-dək ərizə formasını doldurmalıdırlar: https://icesco.org/cm1c
Ərizəyə təşkilatın işçi dillərindən birində tərcümeyi-hal, diplomların və ixtisaslaşma sənədlərinin surətləri (ən azı bakalavr dərəcəsi), şəxsiyyət vəsiqəsinin və ya pasportun surəti, doğum haqqında şəhadətnamənin surəti əlavə edilməlidir. ICESCO yazılı testlər və müsahibələr üçün namizədlərlə əlaqə saxlayacaq.
Proqram haqqında ətraflı məlumat üçün https://icesco.org/ux1h/ saytına daxil olmaq və ya sorğuları [email protected] ünvanına göndərmək lazımdır.