AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Türkiyə Respublikasının Yunus Əmrə İnstitutunun prezidenti Abdurrahman Aliyin rəhbərlik etdiyi nümayəndə heyəti Bakı Dövlət Universitetində (BDU) olub.

Qonaqları salamlayan BDU rektoru Elçin Babayev qardaş ölkələr arasında getdikcə daha da artan işbirliyinin bütün fəaliyyət sahələrində olduğu kimi, elm, təhsil, mədəniyyət istiqamətində də yüksək səviyyədə olduğunu qeyd edib. O bildirib ki, Türk dünyasının daha da gücləndiyi indiki dövrdə Yunus Əmrə İnstitutu kimi qurumların önəmi daha da artır. BDU ilə Yunus Əmrə İnstitutu arasında əməkdaşlıq 2012-ci ildən başlayıb. Ötən müddət ərzində BDU və Yunus Əmrə İnstitutu bir sıra layihələr həyata keçirib.

Yunus Əmrə İnstitutunun prezidenti Abdurrahman Aliy rəhbərlik etdiyi qurumun 71 ölkədə nümayəndəliyinin olduğunu bildirib, iki ölkə arasında tarixən mövcud olan qardaşlıq münasibətlərindən bəhs edib, elm, təhsil, mədəniyyət sahəsində əməkdaşlığın əhəmiyyətini vurğulayıb.

Görüşdə BDU və Bakı Yunus Əmrə İnstitutu arasında əməkdaşlığın və elmi-mədəni əlaqələrin daha da inkişaf etdirilməsi müzakirə olunub.