AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetində (BDU) beynəlxalq nüfuza malik “Elsevier” nəşriyyat şirkətinin müştəri məmnuniyyəti üzrə meneceri Saide Sakın iştirakı ilə ””Scopus”da indekslənmə prosesi” mövzusunda məlumat sessiyası keçirilib.

Tədbirin məqsədi tədqiqatçıların beynəlxalq elmi nəşrlərdə uğurlu çıxış etməsi, elmi nəticələrinin və akademik fəaliyyətlərinin qlobal səviyyədə tanıdılmasının artırılması ilə bağlı bacarıqların inkişaf etdirilməsi olub.

Sessiyada iştirakçılara “Scopus” elmi bazasının funksiyaları, jurnalların indekslənmə meyarları, məqalələrin beynəlxalq standartlara uyğun şəkildə hazırlanması və dərc prosesinin mərhələləri barədə geniş məlumat təqdim edilib. Bununla yanaşı, effektiv axtarış metodları, düzgün mövzu seçimi, müəllif və təşkilat profillərinin optimallaşdırılması, elmi göstəricilərin izlənməsi və yüksək impakt faktorlu jurnalların müəyyənləşdirilməsi məsələləri müzakirə edilib.

Sessiyanın sonunda professor-müəllim heyətinin və gənc tədqiqatçıların sualları cavablandırılıb.