AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Biologiya və Coğrafiya fakültələrinin Tələbə Gənclər təşkilatlarının təşkilatçılığı ilə tələbələr YARAT Müasir İncəsənət Mərkəzinə ekskursiya ediblər.

Ekskursiya zamanı tələbələr mərkəzin hər iki bölməsindəki sərgilərlə, maraqlı rəsm əsərləri ilə tanış olublar. Öncə tələbələr 6 azərbaycanlı rəssamın əsərlərindən ibarət “Yoxlanılıb, mina yoxdur!” adlı qrup sərgisinə baxıblar. Sərgi müharibə dəhşətlərini dəf edən və daha da güclənən cəmiyyətdən bəhs edir.

Daha sonra tələbələr 7 gürcü rəssamın yaradıcılığından ibarət “Ekinoks” adlı qrup sərgisinə baxış keçiriblər. Sərgi işıq və qaranlığın qarşılıqlı əlaqəsini təsvir etməklə, dualist prinsip üzərində qurulub.