AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Tələbə Gənclər Təşkilatının təşəbbüsü ilə “Nomail” MMC-nin təsisçisi və icraçı direktoru Aqşin Nəbizadə tərəfindən “Startap və innovasiyalar” mövzusunda təlim keçirilib.

Təlimdə yeni innovativ fikirlər və biznesin qurulması yolları barədə tələbələrə məlumat verilib. Həmçinin bazarın və risklərin dəyərləndirilməsi, layihələrin investorlara təqdim edilməsi, onlarla görüşlərə hazırlıq, komanda ilə işləmək qaydaları, mentorların seçilməsi, startap layihələrinə investor axtarışı istiqamətlərində təcrübələr bölüşülüb.

Təlimin məqsədi gənclərin startap sahəsində bilik və bacarıqlarının artırılmasına dəstək göstərməkdir.

Sonda tələbələrin mövzu ətrafındakı sualları cavablandırılıb.