BDU tələbələri mediasiya prosesi barədə məlumatlandırılıb
Bakı Dövlət Universitetinin (BDU) Sosial elmlər və psixologiya kafedrasının Sosial iş kafedrasının təşkilatçılığı ilə Bakı 3 saylı mediasiya təşkilatının mediatorları – Balaca Cəfərov, Cəlal Hüseynov və Bulud Yusifovun ustad dərsi keçirilib.
Ustad dərsində mediasiya prosesində sosial işçilərin verə biləcəyi töhfələr, mediasiya institutunun formalaşması, mediasiya haqqında qanunvericilik və mübahisəli məsələlərin tənzimlənməsində mediasiyanın rolu ilə bağlı geniş müzakirələr aparılıb.
Tədbir zamanı mediatorlar mediasiya sisteminin yaranma zərurətindən bəhs edərək bu sahədə dünya təcrübəsi, Azərbaycanda “Mediasiya haqqında” qanunun qəbulunun mediasiya institutunun formalaşmasında rolu, həmçinin Mediasiya Şurasının ölkəmizdə həyata keçirdiyi fəaliyyət və əldə olunan uğur hekayələri haqqında ətraflı məlumat veriblər.
Bununla yanaşı, tələbələrə mediasiyanın məcburi və könüllü növləri, mediatorlara qoyulan tələblər və mediasiya prosesində etik çərçivələr haqqında izahlar təqdim olunub.
Ustad dərsi interaktiv müzakirələrlə davam edib.