BDU tələbələri karyera quruculuğu ilə bağlı məlumatlandırılır
Bakı Dövlət Universitetinin (BDU) Karyera və məzunlarla iş Mərkəzi fakültələrdə silsilə təqdimatlarını davam etdirir.
Təqdimatların keçirilməsində məqsəd Karyera və məzunlarla iş Mərkəzinin fəaliyyət istiqamətləri, tələbə və məzunlara göstərdiyi xidmətlər haqqında tələbələri məlumatlandırmaqdır.
Növbəti görüş Geologiya fakültəsində keçirilib. Bildirilib ki, ixtisaslı kadrların peşəkarlığının inkişaf etdirilməsi və onların karyera quruculuğuna yardım edilməsi Karyera və məzunlarla iş Mərkəzinin əsas missiyasıdır. Tələbələr Mərkəzin xidmətlərindən istifadə edərək, düzgün karyera planlaşdırılması, sərt və yumşaq bacarıqların inkişaf etdirilməsi, əmək bazarına adaptasiya, düzgün CV-nin (rezüme) tərtib edilməsi, iş axtarışının strategiya və taktikaları, müsahibə texnikaları və b. istiqamətlərdə bacarıqlar əldə edə, müxtəlif təlim və infosessiyalara qoşularaq, karyera sahəsindəki yeniliklərə, beynəlxalq təcrübəyə yiyələnə bilərlər.
Sonda tələbələrin sualları cavablandırılıb.