BDU-nun buraxılış kurs tələbələri 100-dən çox qurumda tədris və istehsalat təcrübəsi keçiblər
2023/2024-cü tədris ilinin yaz semestrində Bakı Dövlət Universitetinin (BDU) bütün fakültələrinin buraxılış kurs tələbələri tədris planına uyğun olaraq tədris, istehsalat və pedaqoji təcrübə keçiblər.
Ölkənin 100-dən çox aparıcı müəssisə və təşkilatında BDU-nun 2768 tələbəsi istehsalat, 2132 tələbəsi isə tədris təcrübəsində iştirak edib.
Müəllimlik ixtisası üzrə təhsil alan buraxılış kurs tələbələri isə iyulun 5-dək Bakı şəhərinin orta ümumtəhsil məktəbləri və liseylərdə pedaqoji təcrübə keçirlər. Pedaqoji təcrübə Bakı Şəhəri üzrə Təhsil İdarəsi, İdarənin tabeliyində olan ümumtəhsil məktəbləri və BDU arasında bağlanılan üçtərəfli müqavilə əsasında tənzimlənir. Ümümilikdə 2023/2024-cü tədris ili üzrə pedaqoji təcrübədə BDU-nun 1225 tələbəsi iştirak edir.