AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Beynəlxalq münasibətlər və iqtisadiyyat fakültəsinin yaranmasının 35 illik yubileyi münasibətilə silsilə tədbirlərə start verilib.
Yubiley proqramı fakültənin 35 illik inkişaf yolunu, elmi-akademik ənənələrini, tələbə və məzunların uğurlarını əhatə edir.

Yubiley çərçivəsində 35 gün ərzində ustad dərsləri və maarifləndirici görüşlərin, tələbələr arasında elmi və yaradıcılıq müsabiqələrinin, “35 sual, 1 qalib” adlı bilik yarışının, eləcə də fəxri məzunlarla görüşlərin və digər tədbirlərin keçirilməsi nəzərdə tutulub.

Silsilə tədbirlər fakültənin zəngin inkişaf tarixinin qeyd olunmasına, akademik ənənələrinin tanıdılmasına, tələbə və məzunlar arasında əlaqələrin möhkəmləndirilməsinə xidmət edəcək.