AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universiteti (BDU) və Türkiyə Respublikasının İstanbul Nişantaşı Universiteti arasında anlaşma memorandumu imzalanıb. 

Sənədi BDU-nun rektoru Elçin Babayev və İstanbul Nişantaşı Universitetinin rektoru Ayşegül Komsuoğlu Çıtıpıtıoğlu imzalayıb. 

Memorandumda hǝr iki universitetin nǝzdindǝ olan fakültǝ, institut vǝ kolleclǝrdǝ təlim-tədris prosesinin təkmilləşdirilməsi vǝ beynǝlxalq standartlara uyğunlaşdırılması məqsədilə birgə layihǝlǝrin, konfrans, sərgi, seminar, simpozium, qısamüddətli kursların, təlimlərin keçirilməsi, ortaq elmi-tədqiqatların aparılması nəzərdə tutulur. Həmçinin elmi jurnallarda birgə nəşrlər, ortaq akademik proqramların, tədris planlarının və sillabusların hazırlanması, təlimlərin keçirilməsi, akademik, inzibati heyətin, tələbə, magistrant, doktorant və tədqiqatçıların mübadiləsi kimi məsələlər də memorandumda öz əksini tapıb. 

Əsası 2009-cu ildə qoyulmuş İstanbul Nişantaşı Universiteti Türkiyənin nüfuzlu universitetlərindən biridir. Universitet “Times Higher Education” (THE) reytinqində 1001-1500-cü yerlər arasında qərarlaşıb.