AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universiteti (BDU) və Qazaxıstanın Kokshetau Universiteti arasında anlaşma memorandumu imzalanıb.

Sənədi BDU-nun rektoru Elçin Babayev və Kokshetau Universitetinin rektoru Saqintay Elubayev imzalayıb.

Müqavilə çərçivəsində bakalavr, magistr, tədqiqatçılar və akademik heyətin mübadiləsi nəzərdə tutulur.

Əsası 1996-cı ildə qoyulmuş Kokshetau Universiteti Qazaxıstanın ən nüfuzlu universitetlərindən biridir. 5 fakültə, 12 kafedraya malik universitet “Times Higher Education” dünya universitetləri reytinqində 1501+ pillədə qərarlaşır.