AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetində (BDU) Özbəkistanın Əbu Əli İbn Sina adına Buxara Dövlət Tibb İnstitutunun beynəlxalq əlaqələr üzrə prorektoru Laziz Niyazov ilə görüş olub.

Görüşdə BDU ilə Buxara Dövlət Tibb İnstitutu arasında bu ilin mayında imzalanmış anlaşma memorandumunun icrası istiqamətində planlaşdıran işlərə dair fikir mübadiləsi aparılıb.

BDU-nun beynəlxalq əlaqələr üzrə prorektoru Şahin Pənahov bu memorandumun akademik əməkdaşlığı daha da gücləndirdiyini qeyd edib. Xüsusilə müəllim-tələbə mübadiləsi, elmi-pedaqoji əlaqələrin qurulması, birgə elmi tədqiqatların aparılmasının hər iki ali məktəbin və bütövlükdə ölkələrimizin inkişafına xidmət etdiyini bildirib.

Buxara Dövlət Tibb İnstitutunun beynəlxalq əlaqələr üzrə prorektoru Laziz Niyazov da memorandum çərçivəsində biologiya, kimya, informatika, əczaçılıq, xüsusilə də genetika sahələrində birgə elmi tədqiqatların aparılması üçün konkret təkliflərini diqqətə çatdırıb.

Tərəflər birgə fəaliyyətin gələcəkdə daha yüksək səviyyəyə çatdırılacağına əminliklərini ifadə ediblər.