AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

BAKI DÖVLƏT UNİVERSİTETİ

BDU əməkdaşları arasında

27 Mart – Azərbaycan Respublikasında “Elm günü”nə həsr olunmuş

“İlin alimi” müsabiqəsi elan edir

Bakı Dövlət Universitetində (BDU) mütəmadi olaraq keçirilən BDU əməkdaşları arasında 27 Mart – Azərbaycan Respublikasında “Elm günü”nə həsr olunmuş “İlin alimi” müsabiqəsinin məqsədi il ərzində yüksək elmi nəticələrə nail olmuş, təsir (impakt) faktorlu, beynəlxalq bazalarda indekslənən nüfuzlu nəşrlərdə elmi əsərləri dərc edilmiş, elmi işlərinə istinad olunmuş, həmçinin yüksək elmi-təşkilati fəaliyyəti ilə fərqlənmiş BDU əməkdaşlarının mükafatlandırılmasıdır.

Müsabiqə iki nominasiya – Təbiət-dəqiq və texnika elmləri  və Humanitar və ictimai elmlər üzrə keçirilir. Müsabiqənin qalibləri “İlin alimi” adını alır, diplom və pul mükafatları ilə təltif edilirlər:

1-ci yer:

• Təbiət-dəqiq və texnika elmləri üzrə – 1 mükafat (2 500 manat);
• Humanitar və ictimai elmlər üzrə – 1 mükafat (2 500 manat).

2-ci yer:

• Təbiət-dəqiq və texnika elmləri üzrə – 1 mükafat (1 500 manat);
• Humanitar və ictimai elmlər üzrə – 1 mükafat (1 500 manat).

3-ci yer:

• Təbiət-dəqiq və texnika elmləri üzrə – 1 mükafat (1 000 manat);
• Humanitar və ictimai elmlər üzrə – 1 mükafat (1 000 manat).

Müsabiqəyə təqdim olunan iddia sənədləri müəyyən edilmiş meyarlar və hər bənd üzrə xüsusi çəki nəzərə alınmaqla qiymətləndiriləcəkdir.

Müsabiqədə iştirak etmək üçün tələblər:

2025-ci ildə dərc olunmuş elmi məqalələrinin ümumi sayı 5-dən az olmamalı, o cümlədən:

• Təbiət-dəqiq və texnika elmləri üzrə ən azı 2 məqalə “Scopus” və ya “Web of Science” bazalarına daxil olan jurnallarda dərc olunmalıdır;
• Humanitar və ictimai elmlər üzrə ən azı 1 məqalə “Scopus” və ya “Web of Science”, ən azı 1 məqalə isə ERIH PLUS, “Philosopher's Index”, “Copernicus”, “Ulakbim”, PsycINFO, “EconLit” və digər nüfuzlu beynəlxalq xülasələndirmə və indeksləmə sistemlərindən (bazalarından) birinə daxil olan jurnallarda dərc olunmalıdır.

Müsabiqəyə təqdim olunan iddia sənədləri:

1. 2025-ci ildə dərc olunmuş məqalələrin əsli və/və ya surəti (PDF formatda, DOI və internet linki göstərilməklə);
2. 2025-ci ildə dərc olunmuş monoqrafiya və kitablar, atlaslar, icmallar (əsli və/və ya surəti, PDF formatda);
3. 2025-ci ildə alınmış ixtiralar, patentlər (surəti);
4. Elmi işlərə 2025-ci ildə olunan istinadların sayı (müəllif(lər)in özünə istinadları istisna olmaqla) (H-indeksi, “Scopus”, “Web of Science”, “Google Scholar” üzrə statistika (linklər göstərilməklə));
5. Multidisiplinar və tətbiqi xarakterli elmi işlər (dəqiq əsaslandırılmaqla);
6. Respublika və beynəlxalq səviyyəli elmi konfrans, simpozium və digər tədbirlərdə (o cümlədən, onlayn olmaqla) iştirak (adını və linkini dəqiq göstərməklə, elmi tədbirin proqramının və tezislərinin müvafiq hissələrinin surətlərini əlavə etməklə);
7. Ölkədaxili və xarici qrantlar üzrə işlər (2025-ci ildə, dəqiq göstərilməklə);
8. Elmin kütləviləşdirilməsi üzrə fəaliyyət, yığıncaqlarda, ictimaiyyətlə görüşlərdə (o cümlədən, onlayn olmaqla) elmi-kütləvi çıxışlar, radio və televiziya kanallarında, o cümlədən internet televiziya kanallarında çıxışlar, kütləvi informasiya vasitlərinə müsahibələr, elmi-publisistik məqalələr (surətləri əlavə olunmaqla, böyük həcmli materiallar üçün isə internet linki göstərilməklə);
9. Şəxsi professional internet, Research-Gate, Mendeley, Academia, Google Scholar, Linkedin və digər səhifələrinin mövcudluğu (linklər göstərilməklə);
10. Dövlət Proqramlarının yerinə yetirilməsində iştirak (2025-ci ildə, dəqiq göstərilməklə);
11. Dövlət təltifləri və ya mükafatları (2025-ci ildə, sənədlərin surətləri təqdim olunmaqla);
12. Kadr hazırlığı (2025-ci ildə müdafiə etmiş doktorantlar, dəqiq göstərilməklə);
13. Respublika və xarici (“Web of Science”, “Scopus”, ERIH PLUS, “Philosopher's Index”, “Copernicus”, “Ulakbim”, PsycINFO, “EconLit” və digər nüfuzlu beynəlxalq bazalara daxil olan) elmi jurnallarda təmsilçilik (redaktor, redaktor müavini, məsul katib, redaksiya heyətinin üzvü – dəqiq göstərilməklə, internet linkləri əlavə olunmaqla);
14. Kitab (nüfuzlu nəşriyyatlarda nəşr edilmiş) redaktoru və ya rəyçisi (əsli və ya ilk əsas səhifələrinin surətləri təqdim olunmaqla);
15. Respublika və xarici ölkələrin nüfuzlu nəşriyyatlarında dərc olunmuş nəşrlərdə, həmçinin ölkədaxili və beynəlxalq layihələrdə resenzent fəaliyyəti (məqalələr, qrant layihələri və s.);
16. Müdafiələrdə opponentlik fəaliyyəti (2025-ci ildə, dəqiq göstərilməklə);
17. Elmi-təşkilati işlərlə bağlı (dissertasiya şurası, dissertasiya şurasının elmi seminarı və s. kimi digər) fəaliyyət (2025-ci ildə, dəqiq göstərilməklə);
18. Respublika, regional və beynəlxalq elmi təşkilatlarda, cəmiyyətlərdə və ittifaqlarda üzvlük və ya rəhbərlik (dəqiq göstərilməklə, internet linkləri əlavə edilməklə).

Müsabiqənin keçirilmə müddəti:

1. Müsabiqədə iştirak etmək üçün müvafiq sənədlər və digər müşayiətedici materiallar 2026-cı il 6 fevral tarixindən başlayaraq elektron formada və ya kağız şəklində qəbul olunur;
2. Müsabiqədə iştirak etmək üçün müvafiq sənədlər və digər müşayiətedici materialların qəbulu üçün son tarix 2026-cı il 6 mart saat 17:00-dır.

Müsabiqəyə sənədlərin təqdim olunması:

1. İddiaçılar müsabiqədə iştirakla bağlı hüquqi sənədləri və digər müşayiətedici materialları (elektron formada) [email protected] elektron poçt ünvanına təqdim etməlidirlər.
2. Müsabiqədə yalnız BDU-nun magistrant, doktorant və əməkdaşları fərdi şəkildə iştirak edə bilərlər.
3. Müsabiqə kollektiv mükafatlandırmanı nəzərdə tutmur, hər bir elmi əsər (məqalə və s.) müsabiqəyə yalnız bir iddiaçı tərəfindən təqdim oluna bilər və bunu həmmüəllif(lər)lə yazılı şəkildə razılaşdırmalı və bu, müsabiqə sənədlərinə əlavə edilməlidir.
4. Müsabiqəyə təqdim olunan elmi iş (məqalə və s.) və digərləri (ixtira, patent) müəlliflər qrupu tərəfindən yerinə yetirilmişdirsə, Azərbaycan vətəndaşı olan və xarici həm-müəlliflərin müsabiqənin şərtləri və bu müsabiqədə iştirak haqqında tam məlumatlandırılması üzrə məsuliyyəti elmi işi müsabiqəyə təqdim edən iddiaçı daşıyır.
5. Müsabiqədə mükafatlandırılan işlər cari ildə BDU üzrə elan ediləcək digər müsabiqələrə təqdim edilə bilməz.
6. Sənədlərin və digər müşayiətedici materialların düzgünlüyünə məsuliyyəti təqdim edən iddiaçı daşıyır. Müsabiqənin keçirilməsi qaydaları və müddəti çərçivəsindən kənar təqdim olunan sənədlər müsabiqənin texniki ekspertiza mərhələsindən keçmir və əsas ekspertiza mərhələsinə buraxılmır. Müsabiqəyə kağız formada təqdim edilmiş sənədlər bir qayda olaraq geri qaytarılmır. Müsabiqədə iştirak məqsədilə, o cümlədən ekspertiza mərhələsində düzgün olmayan sənəd, imza və məlumatların təqdim olunması iddiaçının bu müsabiqədən və gələcəkdə keçiriləcək müsabiqələrdən kənarlaşdırılmasına əsas yaradır.

Əlavə məlumat üçün:

Tel: (+994 12) 510 59 77

(+994 12) 539 64 58

E-mail: [email protected]