BDU əməkdaşları ağacəkmə aksiyasında iştirak ediblər
Bakı Dövlət Universitetinin (BDU) Biologiya fakültəsinin əməkdaşları “Yaşıl dünya naminə həmrəylik ili” çərçivəsində Ekologiya və Təbii Sərvətlər Nazirliyi, Yeni Azərbaycan Partiyasının (YAP) Yasamal rayon təşkilatı və Yasamal Rayon İcra Hakimiyyətinin birgə təşkilatçılığı ilə keçirilən ağacəkmə aksiyasında iştirak ediblər.
Bakının Müşfiqabad qəsəbəsində təşkil edilən aksiya zamanı qeyd olunan qurumların əməkdaşları, Biologiya fakültəsinin müəllimləri və ekokönüllülər tərəfindən Abşeron yarımadasının torpaq-iqlim şəraitinə uyğun 700-ə yaxın Eldar şamı və zeytun ağacı əkilib.
“Yaşıl dünya naminə həmrəylik ili” çərçivəsində keçirilən ağacəkmə aksiyasının məqsədi ictimaiyyətin diqqətini ətraf mühitin sağlamlaşdırılmasına, yaşıllıqların artırılmasına yönəltmək və iqlim dəyişikliyi ilə mübarizəyə töhfə verməkdir.
