AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universiteti (BDU), Elm və Təhsil Nazirliyinin (ETN) Fizika İnstitutu, Riyaziyyat və Mexanika İnstitutu, Radiasiya Problemləri İnstitutu, İnformasiya Texnologiyaları İnstitutu, İdarəetmə Sistemləri İnstitutu, Nəsrəddin Tusi adına Şamaxı Astrofizika Rəsədxanası, Biofizika İnstitutu, akademik Yusif Məmmədəliyev adına Neft-Kimya Prosesləri İnstitutu, akademik Murtuza Nağıyev adına Kataliz və Qeyri-uzvi Kimya İnstitutu, akademik Əli Quliyev adına Aşqarlar Kimyası İnstitutu, Geologiya və Geofizika İnstitutu, Neft və Qaz İnstitutu, akademik Həsən Əliyev adına Coğrafiya İnstitutu, akademik Abdulla Qarayev adına Fiziologiya İnstitutu, Botanika İnstitutu, Molekulyar Biologiya və Biotexnologiyalar İnstitutu, Zoologiya İnstitutu, Mikrobiologiya İnstitutu, Genetik Ehtiyatlar İnstitutu, İqtisadiyyat İnstitutu, Torpaqşünaslıq və Aqrokimya İnstitutu, Müdafiə Sənayesi Nazirliyinin Milli Aerokosmik Agentliyi, İqtisadiyyat Nazirliyinin İqtisadi Elmi Tədqiqat İnstitutunun doktoranturasına “Fəlsəfə” fənni üzrə qəbul imtahanları keçirilir.

İmtahanlarda Dövlət İmtahan Mərkəzi (DİM) tərəfindən keçirilən xarici dil imtahanından keçid balını toplamış və beynəlxalq dil sertifikatı təsdiqlənmiş 370 iddiaçı iştirak edir.

BDU-da “Fəlsəfə” fənni üzrə doktoranturaya qəbul imtahanları sentyabrın 4-dək davam edəcək.