AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Jurnalistika fakültəsində Milli mətbuat tarixi kafedrasının müdiri, professor Cahangir Məmmədlinin ustad dərsi olub.

O, “Müasir mətbuatda müsahibə və onun janr xüsusiyyətləri” mövzusunda mühazirə ilə çıxış edib.

Cahangir Məmmədli müsahibənin müasir mətbuatda oynadığı roldan danışıb. Professor 44 günlük Vətən müharibəsində Ali Baş Komandan İlham Əliyevin xarici mediaya verdiyi müsahibələrdən maraqlı nümunələr gətirərək, informasiya müharibəsində janrın üstünlüklərindən bəhs edib.

Təqdimatda Cahangir Məmmədlinin erməni vandallığına uğramış Ağdam məscidi qarşısındakı müsahibəsinə də yer verilib.

Sonda tələbələrin sualları cavablandırılıb və xatirə fotosu çəkilib.