BDU-da 9 Noyabr – Dövlət Bayrağı Gününə həsr olunmuş ədəbi-bədii tədbir keçirilib
Bakı Dövlət Universitetinin (BDU) Biologiya fakültəsində “Bioteam” klubunun təşkilatçılığı ilə 9 Noyabr – Dövlət Bayrağı Gününə həsr olunmuş “Zirvələrə ucalan bayraq” adlı ədəbi-bədii tədbir keçirilib.
Fakültənin dekanı Afət Məmmədova Dövlət Bayrağı Gününün tarixi əhəmiyyətindən danışıb. O, üçrəngli bayrağımızın milli kimliyimizin, müstəqilliyimizin və dövlətçiliyimizin əsas rəmzlərindən biri olduğunu vurğulayıb. Dekan bayrağın xalqımızın azadlıq iradəsini, milli birliyini və dövlətçilik ənənələrini təcəssüm etdirdiyini qeyd edərək gənclərin dövlət rəmzlərinə hörmət ruhunda yetişməsinin vacibliyini diqqətə çatdırıb.
Daha sonra tələbələrin hazırladığı bədii proqram təqdim olunub. Proqram çərçivəsində “Xarıbülbül” rəqsi, vətənpərvərlik mövzusunda musiqilər, rəqs kompozisiyaları və səhnəciklər nümayiş etdirilib.
