AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Nanoaraşdırmalar elmi-tədqiqat laboratoriyasında Türkiyənin Eskişehir Teknik Universitetinin Mühəndislik fakültəsinin Kimya mühəndisliyi bölümünün rəhbəri, professor Nezihe Ayasın iştirakı ilə seminar keçirilib.

Professor Nezihe Ayas “Türkiyə ali təhsil müəssisələrinin akkreditasiyası haqqında məlumat” mövzusunda təqdimat edib. O, rəhbəri olduğu Kimya mühəndisliyi bölümünün nümunəsində Türkiyə universitetlərində akkreditasiya  qaydaları, universitet, fakültə və bölümlərə dair tələblər barədə məlumat verib.

Seminar universitetlərdə təhsilin keyfiyyətinin qiymətləndirməsi sistemi haqqında müzakirə ilə davam edib.

Daha sonra Nezihe Ayas “Bərpa olunan enerji mənbələri: hidrogen istehsalı və biodizel mühəndisliyi” mövzusunda məruzə edib. O, Eskişehir Texnik Universitetində bərpa olunan enerji mənbələri sahəsində aparılan tədqiqatlar barədə məlumat verib. Seminar iştirakçıları tullantıların emalı, onların yanacaq istehsalında istifadə imkanları haqqında fikir mübadiləsi aparıblar.

Sonda BDU ilə Eskişehir Teknik Universiteti arasında əməkdaşlıq imkanları, birgə elmi seminarların təşkili müzakirə olunub.