Hüquq və İnsan Haqları İnstitutu BDU tələbələri üçün infosessiya keçirib
Hüquq və İnsan Haqları İnstitutu Bakı Dövlət Universitetinin (BDU) Hüquq fakültəsində tələbələr üçün infosessiya keçirib.
İnfosessiyada İnstitutun tədqiqatçısı Araz Abdullasoy və təlimçi-ekspert Günel Əliyeva qurumun rəqəmsal təşəbbüslərinə dair geniş təqdimatla çıxış ediblər.
Təqdimatda tələbələrə İnstitutun əsas fəaliyyət istiqamətləri, həyata keçirilən müxtəlif təlim və maarifləndirici tədbirlər, kitabxana fondu və virtual kitabxana imkanları haqqında geniş məlumat verilib. Həmçinin, İnstitutun saytı üzərindən fəaliyyət göstərən Rəqəmsal insan hüquqları resurs xəritəsi, e-lüğət, qanunvericiliyə dair təkliflərin göndərilməsi üçün nəzərdə tutulmuş PASS platforması, “İnsan hüquqlarına giriş” onlayn kursu, habelə yeni nəşrlər barədə danışılıb.
Tədbir tələbələrin İnstitut haqqında suallarının cavablandırılması ilə başa çatıb.
