AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Dövlət Sosial Müdafiə Fondunun (DSMF) İnsan resursları şöbəsinin müdiri Telli Xəlilovanın Bakı Dövlət Universitetinin (BDU) Sosial elmlər və psixologiya fakültəsinin “Sosial iş” ixtisasında təhsil alan IV kurs tələbələri ilə görüşü keçirilib.
Əmək və Əhalinin Sosial Müdafiəsi Nazirliyi ilə  BDU arasında imzalanmış əməkdaşlıq memorandumu çərçivəsində keçirilən görüş zamanı tələbələrə ölkədə sosial təminat sisteminin əsas istiqamətləri, pensiya və sosial müavinətlərin növləri, hesablanma qaydası barədə ətraflı məlumat verilib.
Tədbirdə karyera planlaması, əmək bazarında peşəkar inkişaf imkanları və CV-nin düzgün hazırlanması mövzularında praktiki tövsiyələr də səsləndirilib. Tələbələrin mövzu ilə bağlı sualları cavablandırılıb.