BDU rektoru “Rektorlar klubu: Mərkəzi Asiya+” təşəbbüsü üzrə beynəlxalq tədbirdə iştirak edib
Bakı Dövlət Universitetinin (BDU) rektoru Elçin Babayev beynəlxalq ali təhsil müzakirələrinin mühüm platformalarından biri olan “Rektorlar klubu: Mərkəzi Asiya+” təşəbbüsü çərçivəsində keçirilən tədbirdə iştirak edib.
Azərbaycan Dövlət Neft və Sənaye Universitetinin və Qazaxıstanın Almatı Menecment Universitetinin təşkilatçılığı ilə keçirilən tədbir çərçivəsində “Qlobal kontekstdə yerli kimlik”, “Avrasiya universitetləri: dəyərlər, mədəniyyət və missiya vasitəsilə inkişaf” və “Avrasiya universitetlərinin rəqəmsal strategiyası və beynəlmillələşmə” kimi aktual mövzular üzrə panel müzakirələr aparılıb.
BDU-nun da təmsil olunduğu görüş çərçivəsində müxtəlif ali təhsil müəssisələrinin nümayəndələri ilə görüşlər və perspektiv əməkdaşlıq imkanlarına dair müzakirələr keçirilib.
