BDU Qazaxıstanın Almatı Humanitar-İqtisadiyyat Universiteti ilə anlaşma memorandumu imzalayıb
Bakı Dövlət Universiteti (BDU) və Qazaxıstan Respublikasının Almatı Humanitar-İqtisadiyyat Universiteti arasında anlaşma memorandumu imzalanıb.
Sənədi BDU-nun rektoru Elçin Babayev və Almatı Humanitar-İqtisadiyyat Universitetinin rektoru Valeriy Korvyakov imzalayıblar.
Memorandumda hǝr iki universitetin nǝzdindǝ olan fakültǝ, institut vǝ kolleclǝrdǝ təlim-tədris prosesinin təkmilləşdirilməsi vǝ beynǝlxalq standartlara uyğunlaşdırılması məqsədilə birgə layihǝlǝrin, konfrans, sərgi, seminar, simpozium, qısamüddətli kursların, təlimlərin keçirilməsi, ortaq elmi-tədqiqatların aparılması nəzərdə tutulur. Memorandumda həmçinin elmi jurnallarda birgə nəşrlərin, ortaq akademik proqramlar, tədris planları və sillabusların hazırlanması, təlimlərin keçirilməsi, akademik, inzibati heyətin, tələbə, magistrant, doktorant və tədqiqatçıların mübadiləsi kimi məsələlər də öz əksini tapıb.
Əsası 1992-ci ildə qoyulmuş Almatı Humanitar-İqtisadiyyat Universiteti Qazaxıstanın nüfuzlu universitetlərindən biridir.