BDU-nun uzun illər fotoqrafı olan Salam Muxtarov vəfat edib
Bakı Dövlət Universitetinin Jurnalistika fakültəsinin Tədris tele-radio studiyasının fotoqrafı Salam Hadı oğlu Muxtarov vəfat edib.
O, uzun illər Bakı Dövlət Universitetinin “Bakı Universiteti” qəzetində fotoqraf vəzifəsində çalışıb. Salam Muxtarova 2009-cu ildə BDU-nun 90, 2015-ci ildə 95 illik, 2013-cü ildə isə özünün 60 illik yubileyi münasibətilə təşəkkür elan edilib.
O, 2015-ci ildə kütləvi informasiya vasitələrində BDU-nun həyatının dolğun işıqlandırılmasında səmərəli fəaliyyəti, Universitet və fakültə saytlarının idarə edilməsindəki xüsusi xidmətləri, Mətbuat və informasiya şöbəsinin 15 illiyi münasibətilə Fəxri fərmanla təltif edilib.
2020-ci ildən əmək fəaliyyətini BDU-nun Jurnalistika fakültəsinin Tədris tele-radio studiyasında davam etdirib.
Allah rəhmət eləsin!