BDU-nun Quba Tədris-təcrübə və istirahət Mərkəzində ağacəkmə aksiyası

SOSİAL 1 Aprel 2024 10:08

Bakı Dövlət Universitetinin (BDU) Quba Tədris-təcrübə və istirahət Mərkəzində “Yaşıl dünya naminə həmrəylik ili” çərçivəsində ağacəkmə aksiyası keçirilib.

Aksiyada Universitet rəhbərliyi və tələbələr iştirak ediblər.

Ölkəmizdə iqlim dəyişikliyi ilə mübarizə və ətraf mühitin qorunması istiqamətində görülən tədbirlərə dəstək olaraq baş tutan ağacəkmə kampaniyasında Mərkəzin ərazisində 100-dək ağac əkilib.

Aksiyanın məqsədi ətraf mühitin qorunmasına, ekoloji tarazlığın bərpasına kömək etmək, ekoloji tərbiyəni gücləndirmək və təbiətə töhfə verməkdir.