BDU-nun nəzdində Tətbiqi Riyaziyyat Elmi-Tədqiqat İnstitutunda növbəti vebinar keçirilib
Bakı Dövlət Universitetinin nəzdində Tətbiqi Riyaziyyat Elmi-Tədqiqat İnstitutunda növbəti vebinar keçirilib.
Vebinarda Azərbaycan Milli Elmlər Akademiyasının Riyaziyyat İnstitutun əməkdaşı Həcər Mövsümova “Qeyri-məhdud operator əmsallı Bessel operator tənliyinin məxsusi ədədlərinin asimptotik davranışı" mövzusunda məruzə ilə çıxış edib.
Sərhəd şərtinə spekral parametr daxil olan qeyri-məhdud operator əmsallı Bessel operator tənliyi üçün sərhəd məsələsinin həlli yolu verilib. Həll edilən məsələdə operatorun məxsusi ədədləri tapılıb və bəzi köməkçi lemmalar isbat olunaraq sonda baxılan sərhəd məsələsinin asimptotik paylanması göstərilib.
Vebinarda Türkiyənin Ordu Universitetinin Riyaziyyat fakültəsinin professoru Erhan Set və Atatürk Universitetinin Riyaziyyat fakültəsinin professoru Ahmet Ocak Akdemir, İran İslam Respublikasının Zəncan Universitetinin Riyaziyyat bölməsinin professoru Ali Şükrü iştirak ediblər.