BDU-nun II kurs tələbələrinin nəzərinə!
Müdafiə Sənayesi Nazirliyi və Elm və Təhsil Nazirliyinin birgə əməkdaşlığı çərçivəsində həyata keçirilən “Mühəndis Hazırlığı və Müdafiə Sənayesi Ekosisteminin İxtisaslaşmış Akademik Tədris Proqramı”nın 2026–2027-ci tədris ilinin payız semestri üzrə tələbə qəbulu elan olunur.
“Mühəndis Hazırlığı və Müdafiə Sənayesi Ekosisteminin İxtisaslaşmış Akademik Tədris Proqramı” çərçivəsində tələbələr nəzəri biliklərini praktiki mühitdə tətbiq etmək, real layihələr üzərində çalışmaq, həmçinin Müdafiə Sənayesi Nazirliyinin tabeliyində fəaliyyət göstərən müəssisə və laboratoriyalarla yaxından tanış olmaq imkanı əldə edəcəklər.
Proqram iştirakçıları müasir mühəndislik yanaşmaları və müdafiə sənayesi istiqamətində ixtisaslaşmış bilik və bacarıqlar qazanacaq, innovativ istehsal və texnoloji proseslərlə bağlı praktiki təcrübə əldə edəcəklər.
Tədris proqramını uğurla başa vuran tələbələr Müdafiə Sənayesi Nazirliyinin məzun bazasına daxil ediləcək. Eyni zamanda IV kurs tələbələri üçün nəzərdə tutulan “Mühəndis Hazırlığı və Müdafiə Sənayesi Ekosisteminin İstehsalat Təcrübəsi” proqramında iştirak etmək üçün namizəd kimi qiymətləndiriləcəklər.
Proqramda “İxtisaslaşmış Akademik Tədris Proqramı” üzrə tədris olunan fənn universitetlərdə tədris edilən müvafiq fənnə ekvivalent hesab olunacaq və kreditlərin müəyyən olunmuş qaydada tanınması nəzərdə tutulacaq.
Müraciət şərtləri: Proqrama yalnız formda qeyd olunan ali təhsil müəssisələrində müvafiq ixtisaslar üzrə təhsil alan II kurs tələbələri müraciət edə bilərlər. Namizədlərin ümumi orta müvəffəqiyyət göstəricisi (ÜOMG) 71 baldan yuxarı olmalıdır.
Seçim mərhələləri: Seçim prosesi 4 mərhələdən ibarətdir:
I. Qeydiyyat mərhələsi
Tələbələrin müraciətləri onlayn platforma vasitəsilə qəbul olunur və ilkin məlumatlar sistemə daxil edilərək qeydiyyata alınır.
II. Akademik göstəricilərin qiymətləndirilməsi
Tələbələrin təhsil göstəriciləri və ümumi akademik nəticələri ilkin mərhələdə qiymətləndirilir.
III. Test mərhələsi
Seçilmiş tələbələrin məntiqi və riyazi biliklərinin yoxlanılması məqsədilə test imtahanı keçirilir.
IV. Müsahibə mərhələsi
Test mərhələsini uğurla keçən namizədlər müsahibə mərhələsinə dəvət olunurlar. Tələbələrin qiymətləndirilməsi universitetə qəbul balı, ümumi orta müvəffəqiyyət göstəricisi (ÜOMG), test imtahanı nəticələri və müsahibə mərhələsində əldə olunan balların cəmi əsasında həyata keçirilir.
İlkin mərhələni uğurla keçən namizədlərə növbəti mərhələ barədə ətraflı məlumat elektron poçt vasitəsilə göndəriləcək.
Son müraciət tarixi: 31.05.2026, saat 23:59
Qeydiyyat linki:
