BDU-nun Hüquq Klinikası pulsuz hüquqi yardım üzrə növbəti “Açıq qapı” günü keçirib

SOSİAL 29 İyun 2026 10:44

Bakı Dövlət Universitetinin (BDU) Hüquq Klinikası tərəfindən növbəti “Açıq qapı” günü keçirilib.

Tədbir çərçivəsində vətəndaşlara mülki, əmək, cinayət, inzibati və digər hüquq sahələri üzrə ödənişsiz hüquqi yardım göstərilib, qüvvədə olan qanunvericiliyin tələblərinə uyğun hüquqi izah və tövsiyələr verilib.

Hüquqi yardımlar BDU-nun Hüquq fakültəsinin müəllimləri, eləcə də Vəkillər Kollegiyasının Kibercinayətkarlıq və Kibertəhlükəsizlik Komitəsinin üzvləri tərəfindən təqdim olunub.