BDU-nun Geologiya fakültəsinin tələbələri Tələbə Elmi-Texniki Yaradıcılıq Mərkəzinə ekskursiya ediblər
Bakı Dövlət Universitetinin (BDU) Geologiya fakültəsi Tələbə Gənclər Təşkilatının (TGT) təşəbbüsü ilə tələbələr Universitetin nəzdində fəaliyyət göstərən Tələbə Elmi-Texniki Yaradıcılıq Mərkəzinə ekskursiya ediblər.
Tələbələrə Mərkəzdə həyata keçirilən praktiki elmi araşdırmalar, yeni texnoloji qurğular, mühəndislik yönümlü layihələr və startap ideyaları haqqında ətraflı məlumat verilib. Onlar robot texnikası, 3D çap texnologiyası, avtomatlaşdırma sistemləri və süni intellekt tətbiqləri sahəsində görülən işlərlə tanış olublar.
Mərkəzin əməkdaşları tələbələrlə interaktiv müzakirələr aparıb, onları elmi fəaliyyətə fəal qoşulmağa çağırıblar. Qeyd olunub ki, belə ekskursiyalar tələbələrin nəzəri biliklərini praktiki bacarıqlarla birləşdirir, onlarda komanda şəklində işləmək və problemi həll etmək qabiliyyətlərini inkişaf etdirir.
Ekskursiya çərçivəsində Universitetin beynəlxalq miqyasda qazandığı nailiyyətlər də tələbələrin diqqətinə çatdırılıb. BDU komandalarının “TEKNOFEST” yarışlarında əldə etdiyi uğurlar xüsusi vurğulanıb.
