BDU-nun Filologiya fakültəsində Aprel döyüşlərinin ildönümü qeyd olunub
-lg.jpg)
Bakı Dövlət Universitetinin Filologiya fakültəsində Tələbə Gənclər Təşkilatı və “Qiraət” klubunun birgə təşəbbüsü ilə Aprel döyüşlərinin ildönümünə həsr olunmuş tədbir keçirilib.
Tədbirdə fakültənin professor-müəllim heyəti, tələbələr və Vətən müharibəsi qaziləri iştirak ediblər.
Əvvəlcə Dövlət himni səsləndirilib və şəhidlərimizin əziz xatirəsi bir dəqiqəlik sükutla yad edilib. Sonra Aprel döyüşlərindən bəhs edən videoçarx nümayiş olunub.
Filologiya fakültəsinin sosial məsələlər və tələbələrlə iş üzrə dekan müavini Anar Fərəcov XX əsrdə erməni millətçilərinin azərbaycanlılara qarşı apardıqları təcavüzkarlıq siyasətindən, Ümummilli lider Heydər Əliyevin və Ali Baş Komandan İlham Əliyevin işğal edilmiş ərazilərimizin azad olunması uğrunda həyata keçirdikləri mühüm addımlardan, Vətən müharibəsində əldə etdiyimiz tarixi qələbəyə gedən yolda Aprel döyüşlərinin xüsusi əhəmiyyət daşımasından bəhs edib.
Vətən müharibəsi qaziləri İbrahim Həsənov və Elməddin Novruzov döyüş xatirələrini bölüşüblər. Azərbaycan dilçiliyi kafedrasının dosenti Fikrət Əlizadə, Tələbə Gənclər Təşkilatının üzvləri Aydan Rüstəmzadə və İbrahim Hüseynzadə çıxışlarında Aprel döyüşləri və Vətən müharibəsində ordumuzun həyata keçirdiyi uğurlu əks-hücum əməliyyatlarından, ağır və gərgin keçən döyüşlərdə igid oğullarımızın göstərdikləri qəhrəmanlıqlardan söz açıblar.
Tədbirdə “Qiraət” klubunun hazırladığı bədii kompozisiya nümayiş olunub.
-xs.jpg)
-xs.jpg)