BDU-nun Biologiya fakültəsinin böyük laborantı İradə Əliyeva vəfat edib
-lg.jpg)
Bakı Dövlət Universitetinin (BDU) Biologiya fakültəsinin Biofizika və biokimya kafedrasının böyük laborantı İradə Əliyeva vəfat edib.
İradə Əliyeva 1967-ci ildə anadan olub. 1975-1985-ci illərdə Bakı şəhəri 83 nömrəli məktəbdə, 1985-1991-ci illərdə isə BDU-nun Biologiya fakültəsində təhsil alıb. 2004-2008-ci illərdə BDU-nun Botanika kafedrasının dissertantı olub və “Abşeronun neftlə çirklənmiş torpaqlarının mikobiotası” mövzusunda namizədlik dissertasiyası müdafiə edərək, biologiya elmləri namizədi elmi dərəcəsini alıb.
1994-cü ildən BDU-nun Biofizika və biokimya kafedrasının böyük laborantı vəzifəsində çalışıb.
İradə Əliyevanın tədqiqat sahəsi mikologiya, neftlə çirklənmiş Abşeron torpaqlarının mikobiotasının tədqiqi olub.
BDU rəhbərliyi və kollektivi İradə Əliyevanın vəfatından kədərlənir, ailəsinə dərin hüznlə başsağlığı verir.
Allah rəhmət eləsin!