AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetində (BDU) Çin Xalq Respublikasının Tianshui Pedaqoji Universitetinin nümayəndə heyəti ilə görüş keçirilib.

Görüşdə BDU-nun elm və innovasiyalar üzrə prorektoru Hüseyn Məmmədov, sosial məsələlər, tələbələrlə iş və ictimaiyyətlə əlaqələr üzrə prorektoru Əliş Ağamirzəyev, rektorun elm və təhsil üzrə müşaviri Aydın Kazımzadə və Beynəlxalq əlaqələr şöbəsinin müdiri Rauf Həsənov, Çin Xalq Respublikasının Tianshui Pedaqoji Universitetinin prezidenti Wang Juying, tədris işləri üzrə direktor Yang Xueliang, Beynəlxalq əməkdaşlıq və mübadilə şöbəsinin sektor müdiri Zhang Na, Elmi tədqiqatların idarə edilməsi ofisinin direktor müavini Jia Yingliang, Ədəbiyyat və mədəniyyətlərarası kommunikasiya fakültəsinin dekanı Yu Liangcai iştirak ediblər.

Qonaqlara Universitetin tarixi, fəaliyyəti, strukturu, tədris və elmi fəaliyyəti barədə ətraflı məlumat verilib. Daha sonra qonaqlar təmsil etdikləri təşkilatın əsas fəaliyyət istiqamətləri barədə danışıblar. Görüşdə iki universitet arasında əməkdaşlıq imkanları müzakirə olunub, bir neçə sahədə ikili diplom proqramlarının qurulması və təcrübə mübadiləsinin vacibliyi vurğulanıb. Görüşdə ali təhsildə potensialın artırılması ilə bağlı müvafiq layihələr təklif olunub.

Tianshui Pedaqoji Universiteti 1959-cu ildə təsis edilib. Universitetin bir akademiya, 18 kollec, 64 tədris bölməsi və 17000-dən çox tələbəsi var.