AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Kimya fakültəsi Tələbə Gənclər Təşkilatının (TGT) təşkilatçılığı ilə 8 Noyabr – Zəfər Gününə həsr olunmuş “Xarıbülbül” adlı rəsm sərgisinin açılışı keçirilib.

Tədbirdə fakültə dekanlığı, professor-müəllim heyəti, tələbələr iştirak ediblər.

Açılışda çıxış edən Kimya fakültəsinin dekanı Fuad Kərimli Zəfər Gününün xalqımızın tarixindəki önəmindən, bu qələbənin -Prezdient, Ordu,  Xalq birliyi sayəsində əldə olunmasından danışıb. O, gənclərin vətənpərvərlik ruhunda tərbiyə edilməsinin vacibliyini vurğulayaraq, tələbələrin bu kimi təşəbbüslərlə milli ruhun yaşadılmasına töhfə verdiklərini qeyd edib.

Sərgidə Kimya fakültəsinin tələbələri tərəfindən hazırlanan rəsm əsərləri nümayiş olunur. Əsərlərdə Qarabağ təbiətinin gözəlliyi, Şuşanın simvolu olan xarıbülbül gülü, qəhrəman şəhidlərimizin xatirəsinə həsr edilmiş mənəvi motivlər və Vətən sevgisini ifadə edən kompozisiyalar yer alır.

Qonaqlar sərgi ilə tanış olaraq tələbələrin əsərlərinin həm ideya, həm də bədii baxımdan yüksək səviyyədə olduğunu qeyd ediblər. Fakültə rəhbərliyi vurğulayıb ki, bu cür tədbirlər gənclərin yaradıcılıq potensialının üzə çıxarılması və milli-mənəvi dəyərlərə sadiqliyinin göstəricisidir.