AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Tələbə Həmkarlar İttifaqı Komitəsinin (THİK) təşkilatçılığı ilə simvologiya haqqında ilk təlim keçirilib. Təlimin məruzəçisi, BDU THİK-in sədri Hacıbaba Mustafayev simvologiya və heraldika ilə bağlı geniş məlumat verib.

İlkin olaraq "Simvologiya nədir?" sualı ətraflı müzakirə edilib. Müəyyən əhəmiyyətli simvollar haqqında məlumat verən təlimçi tarixi dövrlərdə simvolların semantikasının dəyişməsinə diqqət çəkib. Simvolun tarixi dövrlər çərçivəsində dəyişməsi və yenilənməsinin səbəblərini açıqlayıb.

İnteraktiv şəkildə keçən təlimin sonunda tələbələrin sualları cavablandırılıb.