BDU-da “Qurtuluşumuzun Memarı” adlı kitab sərgisi
Bakı Dövlət Universitetinin (BDU) Elmi Kitabxanası 15 İyun – Milli Qurtuluş Günü ilə bağlı “Qurtuluşumuzun Memarı” adlı kitab sərgisi təşkil edib. Sərgidə bu tarixi yaradan, Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, atdığı hər addımında daim xalqına arxalanan Ulu Öndər Heydər Əliyev və onun hərtərəfli fəaliyyəti haqqında Azərbaycan, rus və ingilis dillərində 100-dən çox kitab nümayiş olunur. Sərgidə nümayiş olunan “Azərbaycanın qurtuluş tarixi”, “Qurtuluşdan tərəqqiyə” və s. kimi nəşrlər oxucular tərəfindən böyük marağa səbəb olub.
Yetişməkdə olan gənc nəslin Milli Qurtuluş Gününün əhəmiyyətini daha dərindən anlamalarına xidmət edən sərgi bu həftənin sonuna qədər ziyarətçilərin üzünə açıq olacaq.
-xs.jpg)