BDU-da “Məişət zorakılığının qarşısının alınması və onunla mübarizə” adlı tədbir keçirilib
Bakı Dövlət Universitetində (BDU) Hüquq, Sosial elmlər və psixologiya fakültələrinin Tələbə-Gənclər təşkilatlarının (TGT) birgə təşkilatçılığı ilə “Məişət zorakılığının qarşısının alınması və onunla mübarizə” mövzusunda tədbir keçirilib. Tədbirdə çıxış edən fakültə TGT sədrləri Nihad Rəhimli və Səbinə Mustafayeva ali təhsil müəssisələrində müxtəlif sosial problemlər üzrə maarifləndirmə işlərinin aparılmasının önəmini qeyd ediblər. Daha sonra məişət zorakılığının başvermə səbəbləri, hüquqi və kliniki tərəfləri izah olunub. Məişət zorakılığına qarşı mübarizə istiqamətində bir sıra praktiki təkliflər irəli sürülüb. Qeyd olunub ki, məişət zorakılığının qarşısının alınması məqsədilə müntəzəm maarifləndirmə tədbirlərinin həyata keçirilməsi əhalinin hüquqi biliklərinin və dövlət qurumların işinin səmərəliliyinin artırılmasına müsbət töhfə verir.
Sonda tədbir iştirakçıları tərəfindən geniş müzakirələr aparılıb və təqdim edilən çoxsaylı suallar cavablandırılıb.