BDU-da ixtisaslaşmaların beynəlxalq akkreditasiyasına hazırlıq məqsədilə görüş keçirilib
SOSİAL
24 Oktyabr 2025 11:26
Bakı Dövlət Universitetində (BDU) bir sıra ixtisaslaşmaların beynəlxalq akkreditasiyasına hazırlıq məqsədilə işçi görüş keçirilib. Görüşdə müvafiq fakültələrin dekanları, kafedra müdirləri, ixtisaslaşma rəhbərləri və keyfiyyət təminatı üzrə məsul şəxslər iştirak ediblər.
Tədbirin əsas məqsədi Universitetdə tədris olunan ixtisaslaşmaların beynəlxalq standartlara uyğunluğunun qiymətləndirilməsi, keyfiyyət təminatı sisteminin təkmilləşdirilməsi və akkreditasiya prosesinə hazırlığın gücləndirilməsi olub.
Görüş zamanı “Beynəlxalq hüquq”, “Klinik (tibbi) psixologiya”, “Konfliktologiya”, “Nanomaterialların kimyası”, “Ekoloji kimya”, “Molekulyar biologiya”, “Biofizika”, “Mikrobiologiya”, “Geokimya”, “Bərk cisim elektronikası”, “Radiasiya materialşünaslığı”, “Riyazi modelləşdirmə”, “Diskret sistemlər” və “Riyazi analiz” ixtisaslaşmalarının beynəlxalq akkreditasiyaya hazırlanması istiqamətində görüləcək işlər ətrafında geniş müzakirələr aparılıb.
Toplantıda beynəlxalq akkreditasiya meyarları, tələb olunan sənədləşmə prosesi, tədris proqramlarının uyğunlaşdırılması, eləcə də müəllim heyəti və tələbələrin prosesə fəal şəkildə cəlb olunması məsələləri diqqət mərkəzində olub.
Qeyd olunub ki, ixtisaslaşmaların beynəlxalq akkreditasiyası Universitetin tədris keyfiyyətinin yüksəldilməsinə, elmi potensialının gücləndirilməsinə və qlobal rəqabət qabiliyyətinin artırılmasına xidmət edir. Bu istiqamətdə görülən işlər BDU-nun beynəlxalq ali təhsil məkanında mövqeyinin möhkəmlənməsinə mühüm töhfə verəcək.
Son XƏBƏRLƏR
04.02.2026 | 13:47
BDU rektorunun Vyanaya səfəri çərçivəsində səfirlə görüşü keçirilib
04.02.2026 | 11:54
“Gənc istedadlar” liseyinin şagirdləri BDU-nun elmi-tədqiqat mühiti ilə tanış olurlar
04.02.2026 | 10:57
BDU ilə “PAŞA Kapital İnvestisiya Şirkəti” arasında əməkdaşlıq imkanları müzakirə olunub
04.02.2026 | 10:54