BDU-da Azərbaycan–Pakistan ədəbi-mədəni əlaqələrinə dair mühazirə oxunub

BEYNƏLMİLƏLLƏŞMƏ 27 Oktyabr 2025 11:09

Bakı Dövlət Universitetinin (BDU) Şərqşünaslıq fakültəsində Pakistanın MUSLİM İnstitutunun direktor müavini Asif Tanver Avan ilə görüş keçirilib.
Görüş çərçivəsində Asif Tanver Avan fakültənin “Regionşünaslıq (Pakistan üzrə)” ixtisasında təhsil alan tələbələrinə “Azərbaycan–Pakistan ədəbi-mədəni əlaqələri” mövzusunda mühazirə oxuyub. O, Azərbaycan–Pakistan münasibətlərinin tarixi, inkişaf mərhələləri və müasir vəziyyəti barədə ətraflı məlumat verib.
Məruzəçi Pakistan və urdu ədəbiyyatının tanınmış nümayəndəsi, sufi şair Həzrət Sultan Bahunun yaradıcılığı haqqında danışıb, onun irsinin Azərbaycanda da tədqiq olunduğunu qeyd edib.
Sonda Asif Tanver Avan tələbələrin suallarını cavablandırıb.