BDU alimlərinin həmmüəllif olduqları məqalə impakt faktorlu jurnalda çap olunub
Bakı Dövlət Universitetinin (BDU) Mexanika-riyaziyyat fakultəsinin Cəbr və həndəsə kafedrasının müdiri, əməkdar elm xadimi, professor Arif Səlimovun həmin kafedranın doktorantı Fidan Cəbrailzadə və Alaniya Universitetinin dosenti Seher Aslançı ilə həmmüəllif olduqları “Dual-holomorf funksiyalar və lift problemləri” adlı məqalə “Chinese Annals of Mathematics, Series B (English version)” jurnalının 2022-ci il 2-ci nömrəsində çap olunub.
Məqalədə toxunan laylanma fəzalarında dual holomorf funksiyalar istifadə etməklə tenzor meydanlarının və afin rabitələrin deformasiya olunmuş tam liftləri qurulub.
Bu jurnal 1981-ci ildən başlayaraq “Web of Science” (Clarivate Analytics) elmi məlumatlar platformasının nüfuzlu SCI-Expanded indeksinə daxildir (impakt faktoru: 0.756). Müxtəlif illərdə jurnalın redaksiya heyətində riyaziyyat üzrə Abel və Filds mükafatı laueratları olmuş M.F.Atiyah, A.Connes, P.D.Lax, S.Mori kimi məşhur riyaziyyatçılar çalışıb.
Məqalə ilə aşağıdakı linkdə tanış olmaq olar:
https://link.springer.com/article/10.1007/s11401-022-0313-x.