BDU aliminin həmmüəllifliyi ilə antimikrob təsirli sarğı hazırlanıb
Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin Mikrobiologiya və Virusologiya Elmi-Tədqiqat Laboratoriyasının müdiri, professor Xudaverdi Qənbərovun həmmüəllif olduğu “Karboksimetilsellüloza və polivinil spirti əsasında elektroformalaşmış nanoliflər potensial antimikrob yara sarğısı kimi” (“Electrospun nanofibers based on carboxymethyl cellulose/polyvinyl alcohol as a potential antimicrobial wound dressing”) adlı məqalə “Web of Sience” bazasinda indekslənən, İF- 6.953 və Q1 kvartil olan “International Journal of Biological Macromolecules” (2022) jurnalında çap olunub.
Karboksimetilsellüloza və polivinil spirti əsasında elektrohörmə yolu ilə nanofibrillər (nanoliflər) alınıb və sintez prosesinə antimikrob agent kimi kolistin antibiotiki daxil edilib. Nanofibrillərdən və kolistindən ibarət kompozit Staphilococcus aureus, Echerichia coli, Klebciella pneumoniae və Pseudomonas aeruginosa şərti patogen bakteriyalara qarşı yüksək antimikrob aktivlik göstərib və müvafiq olaraq, 1.0-1.4; 1.3-1.4; 0.8-1.0 və 1.3-1.5 sm ingibirləşmə zonası yaradıb. Əldə olunan nəticələr göstərir ki, hazırlanmış nanofibril kompoziti yaraların sağalması üçün sarğı kimi istifadə oluna bilər.
Məqalə ilə aşağıdakı linkdə tanış olmaq olar: