TÜBİTAK-ın dəstəyi ilə BDU-nun professoru Arif Səlimova həsr olunmuş konfrans keçiriləcək
Türkiyə Elm və Texnika Komitəsinin (TÜBİTAK), Bakı Dövlət Universitetinin (BDU) və Türkiyənin 11 universitetinin dəstəyi ilə İstanbul Aydın Universitetində BDU-nun Cəbr və həndəsə kafedrasının müdiri, Əməkdar elm xadimi, Azərbaycan Prezidenti yanında Ali Attestasiya Komissiyasının Riyaziyyat və mexanika üzrə Ekspert Şurasının sədri, professor Arif Səlimova həsr olunmuş beynəlxalq elmi konfrans keçiriləcək (https://iscdfams.com/index.php#about).
2-5 sentyabr tarixlərində keçiriləcək konfransda professor Arif Səlimovun 14 ölkədən həmkarları və tələbələri, tanınmış elm adamları iştirak edəcəklər.
Konfransda Arif Səlimov "Springer/Birkhauser" nəşriyyatında yeni çap olunmuş monoqrafiyası əsasında hazırladığı "Tenzor diferensiallamalar və lift problemləri" adlı məruzə ilə çıxış edəcək. Konfrans haqqında məlumatı aşağıdakı linklərdən əldə edə bilərsiniz:
1. American Math. Society ( https://www.ams.org/calendar/mathcalendar.pl );
2. European Math. Society ( https://euromathsoc.org/events?p=3 )
3. MathNetRu (Russia) ( https://m.mathnet.ru/php/conference.phtml?&option_lang=rus&wshow=cur )